لاپه‌ڕه‌ی سه‌ره‌کی | وتار | وتووێژی ماڵپەڕی "رۆژی کورد" لە گەڵ حەسەن ڕەحمان پەناه بە بۆنەی ٢٦ رێبندان رۆژی کۆمەڵە :

وتووێژی ماڵپەڕی "رۆژی کورد" لە گەڵ حەسەن ڕەحمان پەناه بە بۆنەی ٢٦ رێبندان رۆژی کۆمەڵە :

گۆڕینی قه‌باره‌ی نوسین: Decrease font Enlarge font
وتووێژی ماڵپەڕی "رۆژی کورد" لە گەڵ حەسەن ڕەحمان پەناه  بە بۆنەی ٢٦ رێبندان رۆژی کۆمەڵە :

 رۆژی کورد:  كۆمه‌ڵه‌ تا چه‌ند هه‌وڵی لێك نزیك بوونه‌وه‌ی لایه‌نه‌ لێك دابڕاوه‌كانی داوه‌ و ده‌دا ؟

وڵام : دابڕانی نێو کۆمەڵە لەسەر به رژەوەندی شەخسی و تاکە کەسی نەبووە ،بەڵکوو به هۆی جیاوازی سیاست، برنامە ، ئاسوی دواروژ و هه ر وه ها شیوه ی کاری ریکخراوه یی روویانداوە. جیاوازیه کان بنەرەتین و لایەنەکان وه کوو حیزبی به ته واوی جیاواز ده رکه وتون. هه ربویه مەجالێک بۆ نزیکبوونەوە وەک یەک رێکخراوی هاوبەش به مومکین نازانم و ئێمه نەک هیچ هەوڵێک لەو بابەتەوە نادەین ،بەڵکوو خەڵکیش چاوەروانی وەها پرۆژەیەکی نامومکین ناکەن.

رۆژی کورد :  تا چه‌ند كۆمه‌ڵه‌ له‌ سه‌ر ڕێبازی سه‌ره‌كیی خۆی درێژه‌ به‌ كار و چالاكیه‌كانی ده‌دا ؟

وڵام : کۆمەڵە به تەواوی لە سەر رێبازی ناسراو و پێناسەی ناو جەماوەری خەڵک لە وانه کۆمۆنیست بوون، پشت به ستن به هیزی چینی کرێکار وەک چینی گۆرکەنی نیزامی سەرمایەداری، رێکخستن و هوشیار کردنەوەی ئەو چینه لە رێکخراوی شورشگیر و سەرتاسەری خۆی، به رقه رار کردنی ده سه لاتی جه ماوه ر له ریگه ی شوراکانی هه لبژاده ی خه لک له خواره وه بو سه ره وه و خۆنەبستنەوە به هیچکام لە باڵ و جەناحەکانی سەرمایەداری و ئەمپریالیستەکان و هەروەها هه ولدان بو دابین کردنی مافی دیاریکردنی چارەنوسی خه لکی کوردستان له سه ر بنه مای ده نگی ئازادانه ی خویان تا ئاستی جیابونه وه و پیک هینانی ده وله تی سه ربه خو.

رۆژی کورد :   كام یه‌ك له‌ كۆمه‌ڵه‌كان له‌ سه‌ر هه‌مان ڕێبازی سه‌ره‌تای دامه‌زرانیانن ؟

وڵام : به باوەری من و به شاهیدی خەڵکی کوردستان و لایەن و هەڵسووراوانی سیاسی و شارەزا لە مێژووی کۆمەڵه،  تەنیا کۆمەلە ، رێکخراوی کوردستانی حزبی کۆمۆنیستی ئێرانه که لە سەر بنه ما سەرەکیەکانی دامەزراندنی خۆی کە لە پرسیاری پێشوودا ئاماژم پێدان ماوە و ئەو بنەمایانەی لەگەل سوسیالیسمی زانستی ئەمرۆ به رۆژ کردەوەتەوە.

رۆژی کورد :   هه‌ستی چینایه‌تی له‌ لای كۆمه‌ڵه‌ به‌هێز تره‌ تا هه‌ستی نه‌ته‌وایه‌تی؟ راتان چییه‌ ؟

وڵام : مێژووی خەباتی چینایەتی و هەست به نابەرابەری چینایەتی به هەزاران سال لە هەستی نەتەوایەتی کۆنترە و کۆتایی به ستەمی نەتەوایەتی زۆر زووتر لە چەوسانەوەی چینایەتی مسۆگەر دەبێت. کەوایە هەر تێکۆشەرێکی خەباتی چینایەتی دەتوانێت چالاکی کۆتایی هێنان به چەوسانەوەی نەتەوەی بێت ، بەڵام بەرعکسەکەی راست نییه. ئێمه خەباتکاری بواری خەباتی چینایەتین و هەڵسوراوی کۆتای هێنان به ستەمی نەتەوایەتیشین و ئەم دووانه لە یەک جیاناکەینەوە. لە رێکخراوێکی هاوبەش و به پشت بستن به چینی کرێکار و چەوساوی کۆمەڵگا بۆ کۆتایی هێنان به هەر دوو ستەمەکە خەبات دەکەین.مێژوو نیشانی داوە کە کرێکاران و کۆمۆنیستەکان شلگیرترین خەباتکاری بۆاری کۆتایهێنان به ستەمی نەتەوایەتیشن.

رۆژی کورد :   په‌یام به‌ بۆنه‌ی ڕۆژی كۆمه‌ڵه ؟‌

وڵام : سڵاو دەنێرم بۆ هەموو ئازیزانی گیانبختکردوو و بنەماڵە خۆشەویستەکانیان. به هێزبوونی کۆمەڵەیەکی کۆمۆنیست به بەرنامە و رێبازی سوسیالیستی دەتوانیت خەباتی خەڵکی کوردستان و ئێران لە هەموو بوارەکانی چینایەتی، نەتەوەی، ره گه زی و ... بە سەرئەنجام بگەیەنێت. به هێزکردنی کۆمەڵه لە ساڵیادی ئەم رێکخراوەدا، داوخوازی ئێمه و رێگای کەم ئازار و سەرراستی خەڵکی کوردستان لە گەیشتن به ئاوات و ئاره زوەکانیانه .

 

  لەگەڵ رێزدا

  • ناردنی هه‌واڵ به‌ ئیمێل ناردنی هه‌واڵ به‌ ئیمێل
  • چاپكردنی هه‌واڵ چاپكردنی هه‌واڵ
  • ته‌نها به تێکست ته‌نها به تێکست

Tagged as:

هیچ چاوگێک بۆ ئه‌م هه‌واڵه دیارینه‌کراوه

هه‌ڵسه‌نگاندنی هه‌واڵ

1.00