لاپه‌ڕه‌ی سه‌ره‌کی | هه‌واڵه‌کان | به‌ڕێوه‌چوونی ڕێوڕه‌سمی ڕۆژی كۆمه‌ڵه‌ له‌ شاری مه‌ریوان

به‌ڕێوه‌چوونی ڕێوڕه‌سمی ڕۆژی كۆمه‌ڵه‌ له‌ شاری مه‌ریوان

گۆڕینی قه‌باره‌ی نوسین: Decrease font Enlarge font
به‌ڕێوه‌چوونی ڕێوڕه‌سمی ڕۆژی كۆمه‌ڵه‌ له‌ شاری مه‌ریوان

به‌ پێی هه‌واڵی گه‌یشتوو، ڕۆژی سێشه‌ممه‌ ٢٤ی مانگی ڕێبه‌ندان به‌ بۆنه‌ی هاتنی ٢٦ی ڕێبه‌ندان ڕۆژی كۆمه‌ڵه‌، كۆمه‌ڵێكی دیكه‌ له‌ دۆستان و هه‌ڵسووڕاوانی كۆمه‌ڵه‌ و حیزبی كۆمۆنیستی ئێران، ڕێوڕه‌سمێكیان بۆ ڕێزگرتن له‌ ٢٦ی ڕێبه‌ندان ڕۆژی كۆمه‌ڵه‌ له‌ ده‌ورووبه‌ری شاری مه‌ریوان به‌ڕێوه‌برد. 
ڕێوڕه‌سمه‌كه‌ سه‌ره‌تا به‌ سروودی ئه‌نترناسیۆناڵ سروودی هاوپشتی جیهانیی چینی كرێكار و ڕاگرتنی یه‌ك ده‌قیقه‌ بێده‌نگی بۆ ڕێزگرتن له‌ یادی سه‌رجه‌م گیانبه‌ختكردووانی ڕێبازی ئازادی و سۆسیالیسم ده‌ستی پێكرد. بێده‌نگییه‌كه‌ به‌ خوێندنی پارچه‌ شێعرێك له‌ لایه‌ن یه‌كێك له‌ به‌شداربووانه‌وه‌ شكێندرا. له‌درێژه‌دا، یه‌كێك له‌ هاوڕێیان سه‌باره‌ت به‌ مێژوو و ده‌وری كۆمه‌ڵه‌ و حیزبی كۆمۆنیستی ئێران له‌ كوردستان و به‌گشتیی ئێران، بارودۆخی ڕۆژهه‌ڵاتی ناوه‌ڕاست و ناوچه‌كه‌ و هه‌روه‌ها مه‌حكووم كردنی هێرشی جه‌نایه‌تكارانه‌ی ده‌وڵه‌تی توركییه‌ و پشتیوانی له‌ خه‌ڵكی قاره‌مانی عه‌فرین قسه‌وباسێكی پێشكه‌ش كرد. به‌شی كۆتایی ڕێوڕه‌سمه‌كه‌ له‌ناوی شایی و خۆشی به‌شداربوواندا كۆتایی پێهات.

  • ناردنی هه‌واڵ به‌ ئیمێل ناردنی هه‌واڵ به‌ ئیمێل
  • چاپكردنی هه‌واڵ چاپكردنی هه‌واڵ
  • ته‌نها به تێکست ته‌نها به تێکست

Tagged as:

هیچ چاوگێک بۆ ئه‌م هه‌واڵه دیارینه‌کراوه

هه‌ڵسه‌نگاندنی هه‌واڵ

0