لاپه‌ڕه‌ی سه‌ره‌کی | هه‌واڵه‌کان | به‌ڕێوه‌چوونی ڕۆژی جیهانیی منداڵ له‌ شاره‌كانی بۆكان و مه‌ریوان

به‌ڕێوه‌چوونی ڕۆژی جیهانیی منداڵ له‌ شاره‌كانی بۆكان و مه‌ریوان

گۆڕینی قه‌باره‌ی نوسین: Decrease font Enlarge font
به‌ڕێوه‌چوونی ڕۆژی جیهانیی منداڵ له‌ شاره‌كانی بۆكان و مه‌ریوان

ڕۆژی یه‌كشه‌ممه‌ ١٦ی مانگی ڕه‌زبه‌ر به‌رابه‌ر له‌گه‌ڵ ڕۆژی جیهانیی منداڵ، له‌ شاره‌كانی بۆكان و مه‌ریوان چه‌ندین ڕێوڕه‌سمی جۆراوجۆر به‌م بۆنه‌وه‌ به‌ڕێوه‌چوو.
به‌ پێی ڕاپۆرته‌كان، ڕۆژی یه‌كشه‌ممه‌ هاوكات له‌گه‌ڵ ڕۆژی جیهانیی منداڵ، منداڵان شاری بۆكان له‌ كۆبوونه‌وه‌یه‌كی سه‌مبۆلیك به‌ بۆنه‌ی ئه‌م ڕۆژه‌وه‌، خوازیاری سه‌رنج دانی به‌رپرسانی شارستانی به‌ داواكارییه‌كانیان بوون. له‌م كۆبوونه‌وه‌یه‌ كه‌ له‌ حه‌ساری ئیداره‌ی ئاموزش و په‌روه‌رش به‌ڕێوه‌چوو، منداڵان له‌ ڕێگه‌ی به‌ده‌سته‌وه‌گرتنی چه‌ندین پلاكاردی ناڕه‌زایه‌تیی، خوازیاری دابین كردنی ئیمكاناتی ته‌فریحی له‌ئاستی شار بۆ منداڵان بوون و هه‌روه‌ها خوازیاری سه‌رنج دانی به‌رپرسان به‌م ته‌وه‌ره‌ بوون. هه‌روه‌ها له‌ شاری مه‌ریوانیش، به‌ بۆنه‌ی ڕۆژی جیهانیی منداڵ، ڕێوڕه‌سمێك له‌ باخچه‌ی ساوایانی "گۆلها" له‌ ئاوایی "به‌رقه‌ڵا" به‌ڕێوه‌چوو. ئه‌م ڕێوڕه‌سمه‌ له‌ سه‌عات ١٠ تا ١٢ پێش نیوه‌ڕۆ درێژه‌ بوو و منداڵان به‌ خوێندنه‌وه‌ی شێعر و سروود به‌ پێشوازی ئه‌م ڕۆژه‌وه‌ چوون. پێوه‌یسته‌ ئاماژه‌ بكرێت، ڕۆژی جیهانیی منداڵ له‌ زۆربه‌ی وڵاتانی جیهان له‌ژێر ناوی "پشتیوانی له‌ منداڵان" به‌ڕێوه‌ده‌چێت و له‌ ئێرانیش ڕۆژی ١٦ی ڕه‌زبه‌ری هه‌موو ساڵێك هاوكات له‌گه‌ڵ ئه‌م ڕۆژه‌، ڕێوڕه‌سمی جۆراوجۆر به‌ڕێوه‌ ده‌چێت.

  • ناردنی هه‌واڵ به‌ ئیمێل ناردنی هه‌واڵ به‌ ئیمێل
  • چاپكردنی هه‌واڵ چاپكردنی هه‌واڵ
  • ته‌نها به تێکست ته‌نها به تێکست

Tagged as:

هیچ چاوگێک بۆ ئه‌م هه‌واڵه دیارینه‌کراوه

هه‌ڵسه‌نگاندنی هه‌واڵ

0