لاپه‌ڕه‌ی سه‌ره‌کی | هه‌واڵه‌کان | به‌ڕێوه‌چوونی ڕێوڕه‌سمی شكۆداری ڕۆژی جیهانیی كرێكار له‌ باره‌گای ناوه‌ندی كۆمه‌ڵه‌

به‌ڕێوه‌چوونی ڕێوڕه‌سمی شكۆداری ڕۆژی جیهانیی كرێكار له‌ باره‌گای ناوه‌ندی كۆمه‌ڵه‌

گۆڕینی قه‌باره‌ی نوسین: Decrease font Enlarge font
به‌ڕێوه‌چوونی ڕێوڕه‌سمی شكۆداری ڕۆژی جیهانیی كرێكار له‌ باره‌گای ناوه‌ندی كۆمه‌ڵه‌

به‌ پێی ڕاپۆرتی گه‌یشتوو له‌ لایه‌ن كومیته‌ی به‌ڕێوه‌بردنی ڕێوڕه‌سمی ئه‌وه‌ڵی مانگی مه‌ی، ڕۆژی یه‌كشه‌ممه‌ ١٠ی مانگی گوڵان ڕێوڕه‌سمێكی شكۆدار به‌ ئاماده‌بوونی كۆمه‌ڵێكی زۆر له‌ میوانه‌كان، نوێنه‌ران، پارت، ڕێكخراو و نوێنه‌رانی ناوه‌نده‌ جه‌ماوه‌ری و پێشمه‌رگه‌كانی كۆمه‌ڵه‌ و بنه‌ماڵه‌كانیان له‌ باره‌گای ناوه‌ندی كۆمه‌ڵه‌ له‌ گوندی "زه‌رگوێزی گه‌وره‌" به‌ڕێوه‌چوو. 
ڕێوڕه‌سمه‌كه‌ سه‌ره‌تا به‌ به‌خێرهاتنی به‌ڕێوه‌به‌رانی به‌رنامه‌كه‌ "دڵنیا ڕه‌حیمی و كه‌یوان ئه‌حمه‌دی" ده‌ستی پێكرد. پاشان ڕێوڕه‌سمه‌كه‌ به‌ سروودی ئه‌نترناسیۆناڵ، سروودی هاوپشتی جیهانیی چینی كرێكار له‌ لایه‌ن كۆڕی سروودی "بانگه‌واز"ی كۆمه‌ڵه‌ درێژه‌ی په‌یدا كرد. دواجار یه‌ك ده‌قه‌ بێده‌نگی بۆ یادی سه‌رجه‌م كرێكارانی گیانبه‌ختكردوو و خه‌باتكارانی ڕێبازی ئازادی و سۆسیالیسم ڕاگه‌یه‌ندرا و پاشان بێده‌نگییه‌كه‌ به‌ خوێندنه‌وه‌ی پارچه‌ شێعرێك شكێندرا. له‌درێژه‌دا هاوڕێ "خوسرۆ بۆكانی" له‌ ئه‌ندامانی كومیته‌ی ناوه‌ندیی كۆمه‌ڵه‌ و حیزبی كۆمۆنیستی ئێران وتارێكی به‌ بۆنه‌ی ئه‌وه‌ڵی مانگی مه‌ی، ڕۆژی جیهانیی هاوپشتیی چینی كرێكار پێشكه‌ش كرد. هاوڕێ "خۆسرۆ بۆكانی" له‌ وتاره‌كه‌یدا وێڕای ئاماژه‌ به‌ بارودۆخی فه‌لاكه‌تباری كرێكاران له‌ نیزامی سه‌رمایه‌داری، جه‌ختی له‌سه‌ر خه‌بات و ناڕه‌زایه‌تیی به‌ربڵاو بۆ وه‌دیهاتنی مافه‌كانی كرێكاران كرد. ناوبراو هه‌روه‌ها ئاماژه‌ی به‌ بارودۆخی ئێستای خه‌بات و بزووتنه‌وه‌ی كرێكاری له‌ ئێران كرد و له‌سه‌ر پێویستبوونی ڕێكخراو و ته‌حه‌زوب یابی كۆمۆنیستی كرێكاران جه‌ختی كرده‌وه‌. پاشان هونه‌رمه‌ند "نه‌جم محه‌ممه‌د" سروودێكی به‌ بۆنه‌ی ئه‌م ڕۆژه‌وه‌ پێشكه‌ش كرد.له‌ درێژه‌دا كۆڕی سروودی بانگه‌واز، سروودی "به‌ری به‌یان"یان پێشكه‌ش كرد. دواجار و له‌درێژه‌ی به‌رنامه‌كه‌دا، ڕیزی ئه‌و بروسكانه‌ی كه‌ به‌ بۆنه‌ی ڕۆژی جیهانیی كرێكار گه‌یشتبووه‌ ده‌ست به‌ڕێوه‌به‌رانی به‌رنامه‌كه‌ خوێندرایه‌وه‌. دواتر هونه‌رمه‌ند "خانه‌قینی"ش چه‌ند به‌رهه‌مێكی پێشكه‌ش كرد. به‌شی كۆتایی ڕێوڕه‌سمه‌كه‌ له‌ نێو شایی و خۆشی كۆمه‌ڵێكی زۆر له‌ ئاماده‌بووان، هه‌تا درنگانێكی ئێوارێ كۆتایی پێهات.

  • ناردنی هه‌واڵ به‌ ئیمێل ناردنی هه‌واڵ به‌ ئیمێل
  • چاپكردنی هه‌واڵ چاپكردنی هه‌واڵ
  • ته‌نها به تێکست ته‌نها به تێکست

Tagged as:

هیچ چاوگێک بۆ ئه‌م هه‌واڵه دیارینه‌کراوه

هه‌ڵسه‌نگاندنی هه‌واڵ

0