لاپه‌ڕه‌ی سه‌ره‌کی | هه‌واڵه‌کان | به‌رده‌وامیی ده‌ستبه‌سه‌ركرانی ئه‌ندامانی هه‌ده‌په‌ له‌ توركییه‌

به‌رده‌وامیی ده‌ستبه‌سه‌ركرانی ئه‌ندامانی هه‌ده‌په‌ له‌ توركییه‌

گۆڕینی قه‌باره‌ی نوسین: Decrease font Enlarge font
به‌رده‌وامیی ده‌ستبه‌سه‌ركرانی ئه‌ندامانی هه‌ده‌په‌ له‌ توركییه‌

ناوەندی گشتیی پارتی دێمۆکراتیكی گەلان ناسراو به‌ هەدەپە ڕایگەیاند، ڕۆژی دووشه‌ممه‌ هێزە ئەمنییەکانی تورکییه،‌ ٣١٨ هاوسەرۆکی ڕێکخستنی شارەکان و ئەندام و لایەنگرانی "هەدەپە" لە شارەکانی کوردستان و تورکییه‌یان ده‌ستبه‌سه‌ر کرد. 
ڕۆژی سێشه‌ممه‌ ٢٦ی مانگی ڕێبه‌ندان ناوەندی گشتیی هەدەپە لە ڕێگه‌ی ڕاگەیەنراوێکه‌وه‌ ئاماژەی به‌وه‌كرد كه‌ ده‌ستبه‌سه‌رکردنی ئەم ژمارەیە لە هاوسەرۆکی ڕێکخستنی شارەکان و ئەندام و لایەنگرانی هەدەپە، لە چوارچێوەی ئۆپڕاسیۆنێکدا بووە کە ڕۆژی ڕابردوو هێزە ئەمنییەکان لە ١٠ شاری کوردستان ئەنجامیان داوه‌. ناوه‌ندی گشتیی هەدەپە له‌سه‌ر ده‌ستبه‌سه‌ركرانی ئەندامان و لایەنگرانی ئه‌م پارته‌ ڕایگه‌یاند کە بەرپرسانی توركییه‌ دەیانهه‌وێت بەبێ "هەدەپە" ڕیفراندۆمی ڕەشنووسی دەستوری تورکییه‌ بەڕێوە ببن. هەروەها لە بەشێکی دیکەی ڕاگەیەنراوەکەدا ئەوەش خراوه‌ته‌ڕوو كه‌ لە به‌رواری ٢٢ی مانگی ژوولای ساڵی ٢٠١٥ەوە هه‌تا ئێستا، ده‌وری ١٠ هەزار کەس لە هاوسەرۆک و په‌رلەمانتاران و هه‌روه‌ها سه‌رۆك شارەوانییه‌كان و ئەندامى پارته‌كانی "هەدەپە" و "دەبەپە" ده‌ستبه‌سه‌ر کراون.

  • ناردنی هه‌واڵ به‌ ئیمێل ناردنی هه‌واڵ به‌ ئیمێل
  • چاپكردنی هه‌واڵ چاپكردنی هه‌واڵ
  • ته‌نها به تێکست ته‌نها به تێکست

Tagged as:

هیچ چاوگێک بۆ ئه‌م هه‌واڵه دیارینه‌کراوه

هه‌ڵسه‌نگاندنی هه‌واڵ

0